Kamaal-e-zabt ko khud bhi toa aazmaaongi
Main apney haath se uski dulhan sajaaongi

Supurd karkey usey chaandini ke haathon main
Main apney ghar ke andheron main laut jaaongi

Badan ke karb ko who bhi samah na paayga
Main dil main rowongi aankhon main mukaroungi

Woh kya gaya k rafaqat ke sarey lutf gaye
Main kiss se rooth sakongi, kissey manoongi

Ab uska fun toa kisi aur se hua mansoob
Main kisski nazm akeley main gungunoongi

Wo aik rishta-e-be-naam bhi nahin lekin
Main ab bhi uskey ishaaron per sur jhukaaongi

Bichaa diya tha Gulaabon ke saath apna wajood
Wo so ke uthey toa khwabaon ki raakh uthaaongi

Samaaton main ghaney jangalon ki saansein hain
Main ab kabhi teri awaz sun na poongi

Jawaz dhoond raha tha nae mohabbat ka
Who keh raha tha main uss ko bhool jaaongi
................................................