Common Problems of Muslims Give urs opinion

Asslam Alaikum



Aap sub ney is mail ka subject read kiya k common problems of Muslims, give ur opinion main yeh baat jaanta hoon k kuch logon ney tou is mail ka subject dekh k mail ko open hi nahin kiya hoga kuch ney open tou kiya hoga lekin is mail ki length ko dekh k nazar andaz ker diya hoga kuch log read ker k bhool jayengey aur kuch read ker k is k baarey main zaroor socheingey tou ab main sirf un sey mukhtib hoon jo is mail ko read ker k sochey gain aaj kal hamari means majority of Muslims ki problems kafi barh gai hain hum zara apney ird gird nazar dalein tou hum yeh dekh sakhtey hain k aaj kal har banda shikva kertey huey nazar aata hai jaisey k



Zindagi main sukoon nahin hai?
Hamari duayein qabool nahin hotiin?
Log mukhtalif pareshanion ka shikar hain?
Hamara mashra bigar chukka hai?


Is tarah k aur bhi sawal hain jo aaj kal har bandey ki zabaan per majood hain jahan tak in problems ki solution ka taluq hai wo tou baad ki baat hai sub sey pheley tou in problems ki wajoohat janney ki zaroorat hai k yeh problems kis waja sey aaj k musalman ko darpesh hain waisey tou is ki aik hi waja hai jo k her banda bakhoobi jaanta hai lekin phir bhi pata nahin kiyon wo is waja sey nazar chura leta hai aur wo waja hai



Hamari apney Deen sey doori


Ho sakta hai k kuch logoon ko is sey ikhtelaf bhi ho lekin yeh aik aisi haqeeqat hai jis sey nazar churana mumkin nahin hai aaj zaroorat is baat ki hai k hum zara sanjeedgi sey is masley k liye sochey aur agey barh ker is ka hal pesh kareyin hum aaj kal sirf naam k muslim reh gain hain hamari masajid veeran hain, hum achi baat, deen ki baat sunney ko tayyar nahin hotey hum namaz na perhney ki liye bahaney dhoodhtey hain, kiyon?



Hum apney aap ko Ummat – e – Muhammadi keh k khush ho jaatey hain bilashuba yeh barey fakhar ki aur khush naseebi ki baat hai k Allah ney hum ko is ummat main shamil kiya lekin kiya hum is ummat main shamil honey ka farz nibha rahey hain? Kiya hum musalman honey ka haq ada ker rahey hain



Allah ney hum ko Amr – e – bilmaroof wanahi anilmunkar ka hokum diya hai ( yani k hum wo ummat hain jo logoon ko naik kamoon ki tarqeeb detey hain aur buraioon sey roktey hian ) kia aaj haqeeqat main aisa hi hai? kiya hum aaj logoon ko buari sey rok rahey hain ya un ko burai ki taraf raghib ker rahey hian? Aaj hamari mahafil main gossips, movies, songs, current affairs aur befasool ki baatein hi discuss honey k liye reh gai hain kiyon?



Hum main sey her banda system ko change kerney ki baat kerta hai k system change hona chahiye lekin aapney aap ko change kerney k liye koi tayyar nahin hai tou main aap sub sey poochta hoon k system kaisey change ho sakta hai? Aap main hum is system ka hisa hian hum change hongey tou system change hoga na ab upper sey koi aa k tou system change kerney sey raha hamari badnaseebi yeh hai k hum main sey koi agey barhney ko tayyar nahin hai sub yeh soch k khamosh ho jaatey hain k main akela kiya ker sakta hoon tou dostoon kisi na kisi ko tou pehl kerni parey gi werna hum yeh soch saktey hain k hum apni aaney wali next generation ko tabahi aur barbadi k siva kuch nahin de rahey aap sub sey meri guzarish hai k plz is baarey main sochein aur amal karey kuch suggestion pesh karey kiya aap log merey saath is naik kaam main hum qadam hongein?



Aik natural si baat hai k hum main sey her banda kisi na kisi ko ideal bana k chalta hai kisi ko follow kerta hai us sey inspire ho k tou jis tarah hum kisi ko ideal bana k us ko follow kertey hain tou theek usi tarah koi hum ko bhi follow ker raha hota hai hum sey inspire hota hai tou ager aaj sey hum apney aap ko change kerna start karey tou hamarey saath kam as kam wo aik shaks zaroor change hoga jo hum ko follow ker raha hai jo hum sey inspire hai kiya yeh achievement nahin hai ?



Kia aap main sey koi merey saath hai? yeh koi aik din ka aik week ka aik month ka ya aik saal ka kaam nahin hai bahut lamba safar hai mujh ko aap sub sey is k against main kuch nahin chahiye main sirf aik koshish kerna chahta hoon k hum apney mashrey ko sudharney k liye kuch ker saktey hain ya nahin dakhiye aaj aik shama jaleygi tou kal khud bakhud roshni ho jaye gi qatra qatra samander banta hai aaj hum aik qatra is naik kaam k liye jama kerna shroo karein samander tou ban hi jaye ga insaan sirf efforts ker sakta hai results kamyabi nakami tou Allah k haath main hai hum main sey her aik ney apni zindagi ka bara hissa idher udher k jhameloon main guzar diya kiya hum apni zindagi k is maqsad k liye agey barheingey?



Aap sub k opinion, aap ki suggestions aap k reply ka muntazir



Muhammad Farukh

Best_farukh@hotmail.com

Farukh_dost20002000@yahoo.com

Mashah Allah

Jazakallah-0-Kahiar, bohat hi acha.... Farukh bro nothing is like that to not read or not comment.... or to ignore(Nauzo-Billah)

Maximum here are Muslims, being a Muslim any body believe on what u mentioned. Allah, Allah ke ihkaam, wo bhi Sunat-e-Rasool ke tareeqe pe.... mout k baad ki zindagi aor duniya mein 24 gante ki zindagi.... yay sab hi to he jiske liye hamein duniya mein beja gaya he....

May Allah give us toufeeq, k ham deen pe poore poore utre, Amr-e-bilmaroof nahi anil munkar ka kaam karein, apni zindagi ko islami saanche mein dalein.


Thanks alot for reminding keep it up. wishing u good luck.

--------------------------------------------------------------
*Py@R* do *pY@r* lo, B *H@ppY* k33P *h@PPy*!