Welcome Guest Login or Signup
LIVE CHAT | INSTANT MESSENGER | BOOKMARK
 

BLOGS   WRITE NEW BLOG   EDIT BLOGS  
 
RSS
~ kal andherii raat ~
Posted On 09/18/2011 18:47:19 by mr_05
vo rulaa kar haNs na paayaa der tak jab maiN ro kar muskuraayaa der tak ~~~~~~~~ bhuulnaa chaahaa kabhii us ko agar aur bhii vo yaad aayaa der tak ~~~~~~~~ Khud ba Khud, be-saaKhtaa maiN haNs paRaa usne is darjaa rulaayaa der tak ~~~~~~~~ (Khud ba Khud : by oneself; be-saaKhtaa : spontaneously) ~~~~~~~~~ bhuukhe bachchoN kii tasallii ke liye maaN ne phir paanii pakaayaa der tak ~~~~~~~~~ gun-gunaataa jaa rahaa thaa ik faqiir dhuup rahtii hai naa saayaa der tak ~~~~~~~~~~ kal andherii raat meN merii tarah ek jugnuu jagmagaayaa der tak

Tags: Mr_05



Bookmark:



Viewing 1 - 3 out of 3 Comments

09/23/2011 06:20:21
Kuch toot gaye hain kuch khawab baaqi hain
Maazi ki wafaon main kuch sarab baaqi hain

Ab bhi waazai nahin hui tasveer zindagi ki
Darparda ab bhi kuch naqaab baaqi hain

Har sawal apni jagah joon ka toon raha
Zubaan pe shikayaton ke kuch jawab baaqi hain

Khali hua behte behte yaad main behta sagar
Phir bhi nigahon main kuch sailaab baaqi hain

Maaf kiya khoon-e-jigar apna kisi dosti ko
To usi dosti se kuch hisaab baaqi hain

Kisi ka aasmaan tareekiyon ka ujala ban gaya
kahin be-rukhi ke kuch mehtaab baaqi hain

Mar bhi nahin sakte ab to sukoon-e-zalim
Hasrate reh jaain gi kuch hijaab baaqi hain

Musalsal jal rahe aatish-e-ishq ke angaron main
Parastish ke aur bhi kuch aadaab baaqi hain Karoon

Kaghaz ke nazaron se mahak aaye gi kaise
Haqeeqat ke guldano main kuch gulaab baaqi hain

Sab ko samajh na 'Shaiki' tu yaar be wafa
Teri tarah lute yahan kuch nawab baaqi hain!!


09/21/2011 19:06:22
Khud apne liye baith k sochenge kisi din
yun hai k tujhe bhul k dekhenge kisi din

bhatake hue phirte hain kai lafz jo dil main
duniya ne diya vaqt to likkhenge kisi din

hil jayenge ik bar to arshon k dar-o-bam
ye khaknashin log jo bolenge kisi din

apas ki kisi bat ka milta hi nahi vaqt
har bat ye kahae hain k baithenge kisi din

ai jan teri yad k be-nam parinde
shakhon pe mere dard ki utrenge kisi din

jati hai kisi jhil ki gahrai kahan tak
ankhon main teri dub k dekhenge kisi din

khushbu se bhari sham main jugnu k qalam se
ik nazm tere vaste likkhenge kisi din

soyenge teri ankh ki khlvat main kisi rat
saye main teri zulf k jagenge kisi din

khushbu ki tarah ,asl-e-saba khak numa se
galiyon se tere shahar ki guzrenge kisi din

'Amjad' hai yahi ab k kafan bandh k sar se
us shahar-e-sitamgar main jayenge kisi din


09/21/2011 10:08:53
*Matti K Jitny Ghar main Banata Chala Gaya
Ak Shakhas Naaraz Ho K Girata Chaala Gaya

Thi Hath Main TAkAT Magaar Dil Nh Mana
Ak Ous K SIwa Main Sab Ko Haraata Chala Gaya




*** Pakistani music ***
Pakistani music Pakistani songs Pakistani spanish music investment property property childrens lighting