Welcome Guest Login or Signup
LIVE CHAT | INSTANT MESSENGER | BOOKMARK
 

BLOGS   WRITE NEW BLOG   EDIT BLOGS  
 
RSS
~`~ myn umar k rasty myn chup chap bhikar jata ~`~
Posted On 08/25/2011 07:05:30 by aasma786
Main Umar Ke Rastey Mein Chup Chaap Bikhar Jaata
Ek Din Bhi Agar Apni Tanhaai Say Darr Jaata

Main Tark-e-Taaluq Par Zinda Hoon So Mujrim Hoon
Kaash Uss Ke Liye Jeeta, Apney Liye Mar Jaata

Uss Raat Koi Khushbu Qurbat Mein Nahin Jaagi
Main Varna Sanvar Jaata, Aur Woh Bhi Nikhar Jaata

Uss Jaan-e-Takallum Ko Tum Mujh Say To Milvatey
Taskheer Na Kar Paata, Hairaan To Kar Jaata

Kal Saamney Manzil Thi, Peechhey Mairi Aawaazein
Chalta To Bichhar Jaata, Rukta To Safar Jaata

Main Shehar Ki Ronaq Mein, Gum Ho Ke Bohat Khush Tha
Ikk Shaam Bacha Laita, Ikk Roz To Ghar Jaata

Mehroom Fizaaoun Mein, Mayoos Nazaron Mein
Tum AZM Nahin Tehrey, Main Kaise Tehar Jaata

Tags: Aasma786



Bookmark:



Viewing 1 - 2 out of 2 Comments

08/26/2011 06:58:35
uff shetann ki aant ghuzal :biggrin::tongue:


08/25/2011 09:54:17
shikast-e-shauq ko takmeel-e-aarzuu kahiye
ke tishnagii ko bhi paimaan-o-subuu kahiye

khayaal-e-yaar ko deejiye wisaal-e-yaar ka naam
shab-e-firaaq ko gesoo-e-mushk.buu kahiye

charaaGh-e-anjuman hairat-o-nazaara haiN
laala.ruu jinheiN ab baab-e-aarzuu kahiye

shikaayateiN bhi bahut hain hikaayateiN bhi bahut
mazaa tau jab hai ke yaaroN ke ruu-ba-ruu kahiye

mahak rahi hai Ghazal zikr-e-zulf-e-khuubaaN se
naseem-e-subH kii maanind kuu-ba-kuu kahiye

ai hukm keejiye phir Khanjaron ki dilzaarii
jahaan-e-zakhm se afsaana-e-guluu kahiye

zubaan-e-shoKh se karte hain pursish-e-aHvaal
aur uske baad ye kahte haiN aarzuu kahiye

Qitaa

hai zakhm zakhm magar kyuN na jaaniye use phuul
lahuu lahuu hai magar kyuN use lahuu kahiye

samajhiye qaamat-e-yaaraan-e-kaj.adaa ki tarah
??? paaye nigaaraaN ???

jahaaN jahaaN bhi khizaaN hai wahiiN wahiiN hai bahaar
chaman chaman yahii afsaanaa-e-numuu kahiye

zamiiN ko deejiye dil-e-mud’daa talab ka payaam
khizaaN ko wus’at-e-daamaan-e-aarzuu kahiye

saNwaariye Ghazal apnii bayaan-e-Ghalib se
zabaan-e-Meer meiN bhi haaN kabhuu kabhuu kahiye

magar wo harf dhaRakne lage jo dil ki tarah
magar wo baat jise apnii guftaguu kahiye

magar wo aaNkh ke jismeiN nigaaH apnii ho
magar wo dil jise apnii justujuu kahiye

kisi ke naam pe Sardar kho chuke haiN jise
usi ko ahl-e-tamanna kii aabruu kahiye :smile:




*** Pakistani music ***
Pakistani music Pakistani songs Pakistani spanish music investment property property childrens lighting