Abhi kuch din lagain gay
Khwaab ko taabir honay main
Safar ko manzilon ki had pe laanay main
Parindon ko hawa k rukh pe aanay main

Abhi kuch din lagain gay
Dhoop ko khalyaan ke raishon main apna beej bonay main
Shajar ko aanay walay mosamon kay naam ik derkhwast likhnay main
Kisi aashiq ko apne dil ki kutya saaf kernay main

Abhi kuch din lagain gay....
Titloyon ko phoolon se maanoos honay main
Sukhan ko derd ki tasveer ban nay main
Sada ko sheher-e-jaan goonj ban nay main
Saba ko baagh se khushboo churanay main

Abhi kuch din lagain gay
Raqsko azaad honay main
Kisi ki baat ka matlab samajhnay main
Kisi ko neend main apne liye ik khwab ka poda laganay main
Kisi k paas anay main
Kisi say dour janay main
ABHI KUCH DIN LAGAIN GAY......

Bookmark: