VIEW FULL VERSION: Link
Subject: hai duaa yaad magar harf-e-duaa yaad nahii.n
Content: [br]hai duaa yaad magar harf-e-duaa yaad nahii.n [br] mere naGmaat ko a.ndaaz-e-navaa yaad nahii.n [br] [br]mai.n ne palako.n se dar-e-yaar pe dastak dii hai [br] mai.n vo saahil huu.N jise ko_ii sadaa yaad nahii.n [br] [br]mai.n ne jin ke liye raaho.n me.n bichhayaa thaa lahuu [br] ham se kahate hai.n vahii ahad-e-vafaa yaad nahii.n [br] [br]kaise bhar aa_ii.n sar-e-shaam kisii kii aa.Nkhe.n [br] kaise tharraa_e charaaGo.n kii ziyaa yaad nahii.n [br] [br]sirf dhu.ndhalaa_ii sitaaro.n kii chamak dekhii hai [br] kab huaa kaun huaa kis se Khafaa yaad nahii.n [br] [br]zindagii jabr-e-musalasal kii tarah kaTatii hai [br] jaane kis jurm kii paa_ii hai sazaa yaad nahii.n [br] [br]aao ik sajdaa kare.n aalam-e-madhahoshii me.n [br] kahate hai.n ke "Sagar" ko Khudaa yaad nahii.n[br]